A GHUVENTU CORSA IN PERICULU
Dapoi disgià qualchì annu, l’APC si primureghja di e trasfurmazione sociulogiche di a sucetà
corsa :
- Perdità di i valori, di u campà corsu, a nostra cultura è a nostra identità sò ghjunte
oghje à un livellu di sopravivenza.
- A precarità è a puvertà chì si spannanu ognighjornu sempre di più à dispettu di i
nostri valori di sulidarità.
- A rete suciale hè sciappata : ùn c’hè più lea suciale, ùn c’hè più operate, e famiglie sò
ricumposte, i dui parenti sò obligati à travaglià,…Nunda vene à rimpiazzà ciò chì hè statu
cacciatu di i nostri usi.
Da sta custatazione è di pettu à i stalvatoghji scorsi dati da i ghjurnali, l’APC vuleria chì
l’Educazione Naziunale pigliessi in cunsiderazione iste trasfurmazione è faccia da missione di
serviziu publicu in quantu à a prevenzione di tutte e dipendenze : ne va di a salute è di a
securità di a ghjuventù di a nostra isula.
Dumandemu ch’elle sianu prisente l’infermiere in tutti i cullegi è in tutti i licei, dendu à
quesse i mezi di fà u so travagliu à fiancu à l’elevi (ascultali, andà à scuntrali durante e
ricreaziò, u ripastu à a cantina…) afine di mette à palesu subitu e difficultà.
L’APC pensa chì a missione di l’Educazione Naziunale in quantu à l’educazione à a salute è à
a citadinanza ùn si face più è què ghjè oghje un periculu maiò per i nostri zitelli :
Alculisimu : Sò troppu numarosi i zitelli briachi in i stabilimenti sculari, cummercianti
senza primura danu da beie à minori senza esse cundannati.
Tabagisimu precoce : U livellu toccu da a nostra isula in issu sensu hè assai triste :
l’età di a prima cigaretta ferma di 13 anni, incù un’iniziu à 9 anni per certi zitelli invece hè
passatu da 12 è mezu à 15 anni in a media naziunale. (riferenza chjappa in u librettu « L’air
c’est la vie » editatu incù u Retturatu.
Adopru di sustanze illecite :A droga in e scole : u liceu ferma u primu cuntattu incù a
droga-cannabis vinduta à a surtità di e scole, annasera di prudutti periculosi cumè prudutti di
pulizia.
Ista pulicunsumazione fatta di pettu à maiò muti à a chjama d’una ghjuventù addisperata è in
periculu. In Canada, ad esempiu, a prevenzione inizia tempu a scola materna.
Dumandemu di primura, di purtà una risposta à i parenti addisperati è senza mezi di lotta di
pettu à sta situazione :
- Un numaru di maiò abbastanza numarosi in i stabilimenti sculari afin’ di fà una vera
prevenzione.
-Di mette in ballu i dispusitivi esistanti in materia d’educazione à a salute è à a citadinanza, i
C.E.S.C !
Per luttà contru à tutti isti guai chì toccanu oghje più chè mai a nostra ghjuventù l’APC face a
chjama à una mubilisazione di tutti i parenti di Corsica.
A scola deve ridiventà u locu di trasmissione di i valori corsi. A sucetà corsa in seguitu à a so
storia hè stata impedita di spannà à modu soiu i so valori, oghje a scola deve vene à puntellà
cù pruposte forte l’identità corsa. Pudaremu purtà tandu aiutu à a miseria culturale è suciale
chì tocca à a nostra isula, mudelli strangeri chè no ricusemu.
Rammintemu chì a nostra tradizione urale hè stata ricunnisciuta Patrimoniu Immateriale di
l’Umanità è ghjè statu ricunnisciutu dinù l’urgenza di puntellà issa trasmissione identitaria di
pettu à u periculu di sparizione di issi valori.