A saluta a ghjustizia è a vittoria pà 2013
Paci è saluta Bon di bon anu è bon capu d'anu !
2012 hè statu un anu riccu pà l'APC auguremu chi 2013 sighi quiddu chi vissi sbuccà a cuuficialità di a noscia lingua è chi l'insignamentu di u corsu sighi da veru stabilitu !
Mà disgraziosamenti ni semu luntanu è l'ultima dicizioni di u cunsiliu custituziunali prova chi 2013 sarà l'anu di a lutta è ci voli chì quissa andessi sin'à vittoria! Un pudemu più rinculà comu dicci a canzona "ghjunti à i punti stremi a scelta si farà"!
Alora femu a scelta : quidda di a lutta di un populu contra l'arbitrariu di unu statu francesu chi nega a dimugrazia!
Un pianteremu micca è tutti parenti, vechji, ghjovani devini participà à issa mossa.
Aio tutti fratelli che ora chi lu cornu ripiglia a sunà!
Bon anu 2013 è forza sin'à vittoria.
U Prisidenti
Diunisu Luciani